Барлык яңалыклар
Җәмгыять
16 декабрь 2019, 11:35

Президентка сорауларыгыз бармы?

19 декабрендә Русия президенты Владимир Путин белән туры эфирда матбугат конференциясе үтәчәк.

Бу юлы ул Мәскәүнең Халыкара сәүдә үзәгендә оештырыла. Киң мәгълүмат чараларының 1900гә якын вәкиле әлеге чарага аккредитация үткән дә инде. Бу – рекорд сан. Әйтергә кирәк, мондый зур матбугат конференцияләре 15нче тапкыр үткәрелә һәм аларда чит ил матбугат чаралары журналистлары да күпләп катнаша.
Узган ел дәүләт башлыгы журналистлар белән 3 сәгать 45 минут әңгәмәләште. Ә 2008 елда үткән очрашу вакыт буенча рекордлы дип билгеләнде: ул 5 сәгатькә якын дәвам итте.
Быел Русия телеканаллары Владимир Путин белән сөйләшү 3 сәгать тирәсе дәвам итәр дип фаразлый. Алар шул вакытка исәп алган. Очрашу 12.00 сәгатьтә башлана.
Узган ел Русия президенты белән пресс-конференцияне туры эфирда 6,8 миллион кеше караган иде.
Читайте нас в