Владимир Путин 15 гыйнварда Юллама белән мөрәҗәгать итәчәк

Бу хакта бүген журналистларга дәүләт башлыгының матбугат секретаре Дмитрий Песков хәбәр итте.
"Рәсми рәвештә хәбәр итәбез: Владимир Путин Федераль җыелышка 2020 елның 15 гыйнварында Юллама белән мөрәҗәгать итәргә планлаштыра”, - диде ул.

Быел Владимир Путин Федераль җыелышка Юллама белән 20 февральдә чыгыш ясаган иде. Федераль җыелышка Президент Юлламасы - дәүләт башлыгының парламентның ике палатасына да еллык ачык мөрәҗәгате, анда илдәге эшләр торышына бәя бирелә һәм эчке һәм тышкы сәясәтнең төп юнәлешләре билгеләнә.

Фото ачык чыганактан алынды.