Иң танылган артистларның берсе вафат...

Мәскәүдә 83 нче яшендә РСФСР халык артисты Андрей Мягков үлгән.
Бу хакта Чехов исемендәге МХТ матбугат хезмәтендә хәбәр иттеләр, биредә ул күп еллар хезмәт иткән. Нечкәлекләре әлегә билгеле түгел.
Ул безнең өчен Яңа ел символы иде. «Ирония судьбы, или С легким паром!» фильмын, Андрей Мягковның атаклы Женя Лукашинын һәр елның 31 декабрендә сагынып көтеп ала, беренче тапкыр күргәндәй яратып карый идек.

Мягков 1938 елның 8 июлендә Ленинградта туган. Химик-технология институтын тәмамлый, үзешчәннәр тарафыннан куелучы спектакльләрнең берсендә аны МХАТ мәктәп-студиясе педагогы күреп ала. 1965 елда ул әлеге уку йорты дипломын ала һәм "Современник" театры актеры була. 1977 елда МХАТ ка күчә.
Эльдар Рязановның "Ирония судьбы, или с легким паром" фильмы чыкканнан соң 1975 елда артист зур популярлык белән казана. Биредә ул Женя Лукашин ролен башкара. Шуннан соң "Советский экран" журналы аны елның иң яхшы актеры итеп сайлый.

Чыганак: http://shahrikazan.ru/news/kyiskacha-ya%D2%A3alyiklar/i-tanylgan-artistlarny-berse-vafat

Мягков күп кенә мактаулы бүләкләргә, шул исәптән бертуган Васильевлар исемендәге РСФСР Дәүләт премиясенә һәм III дәрәҗә «Ватан алдындагы хезмәтләре өчен» орденына лаек булган.

Фото: https://2aktera.ru/stati/andrei-miagkov-lichnaia-zhizn-zhena-deti-vnuki