Юл эшләре остасы

Наум авылында туган егет хезмәт юлын Бөек Ватан сугышы елларында колхоз басуларында башлый. Армиядән хезмәт итеп кайткач, аны язмыш юл хезмәте белән бәйли, яшь егет юл эшчесе булып урнаша. Бер-ике елдан Чиләбе шәһәрендә шартлатучы һөнәрен үзләштерә. Соңрак Новгород өлкәсенең Боровичи шәһәре техникумында автомобиль юллары мастеры белгечлеген ала.

Яңа белем туплаган белгеч туган Башкортстанга кайта. Аны Уфа-Ырымбур трассасының Ишле-Соловьевка участогы мастеры итеп билгелиләр. Әле бу юлның бер өлешенә - Талбазы авылының хәзерге Парк урамы һәм Ленин урамы керә. Монда ул трассаны ремонтлау һәм хезмәтләндерү эшләрен җитәкли.

- Яз һәм җәй айларында яңа бор-дюрлар, юл билгеләре, яктырту багана-лары куя идек. Кышын юлларны кардан тазарттык. Бригадада күбрәк хатын-кызлар эшләде, алар үзләренең җиңел булмаган вазифаларын яхшы үти иде. Башка участоклар арасында һәрвакыт беренче урынны алдык, планны арттырып үтәдек, - дип искә ала Нестор Иванович.

Кул астында эшләүче хезмәткәр-ләренең уңышлары өчен Н.Ивановны премияләр белән бүләклиләр. Үзе “Хезмәт ветераны”, “Социалистик ярышлар җиңүчесе” исемнәренә лаек булган.

Күптән түгел юл тармагы ветеранына 92 яшь тулган. Шул уңайдан аны коллегалары - юл ремонтлау-төзү идарәсе начальнигы Риф Рафиков һәм баш инженер Нияз Гыйниятов туган көне белән котларга йортына барды. Алар аңа бүләкләр тапшырды, ә чәй табын артында ветеранның хезмәт юлын искә алдылар