Кемнең туганнары?

Шушы көннәрдә Уфаның төньяк өлешендә 63нче мәктәп территориясендә очраклы узгынчылар бер ир гәүдәсен тапкан. Ул куаклар арасында яткан. Аңа 40-45 яшьләр тирәсе.
Аның йөзендә сыдырылган эзләр бар. Башлангыч мәгълүматлар буенча, ул үлгәннән соң, ким дигәндә, бер тәүлек вакыт үткән. Шул ук көнне мәетне суд-медицина экспертизасына җибәргәннәр. Экспертларга бәхетсезнең үлем сәбәпләрен ачыкларга туры киләчәк.
Аннан алдарак башкаланың Октябрь районындагы «Изобилие» бакча ширкәте төбәгендә билгесез хатын-кызның гәүдәсе табылган. Очраклы узып баручылар аңа урманда, дачадан ике йөз метр ераклыкта юлыккан. Мәет таркала башлаган булган инде. Бу аның шәхесен билгеләүне шактый кыенлаштыра.
Һәлак булган хатын-кызга якынча 60 яшь. Хәзер аның туганнарын эзлиләр. Мәетне суд-медицина экспертизасына җибәргәннәр.
Фото: kp.ru

https://kiziltan.rbsmi.ru/articles/khokuk/Kemne-gazizl-re-sez-392010/