Алтын алма

Төсле яфраклар кыштырдапИсте алмалы һава.

Төсле яфраклар кыштырдап

Исте алмалы һава.

Яңгыр түгел, гүя, күктән

Алтын алмалар ява.

...Һәм малай керде бакчага,

Эзләде кызыл алма.

Алмагач эндәште аңа:

-Рөхсәт сорамый алма!

Үрелгән кулын төшерде

Мышкылдап шунда малай.

Алмагач булып сөйләшкән

Артта бакчачы бабай.

Кеткелдәп көлде бакчачы:

-Һич үпкәләмә, балам.

Хәзер сиңа иң матурын

Мин үзем сайлап алам.

Юмарт көзнең күчтәнәчен

Авыз итмичә калма.

Иң кызылы, иң сусылы,

Иң баллысы бу алма!

-Үскәч, бабакаем, сезгә

Ярдәм итмичә калмам...

...Нәни учта зуп-зур булып,

Елмайды тәмле алмам!

Зөлфия Газиева.

Читайте нас:

Телефон

834745 (2-18-45)

Электрон почта

[email protected]

Адресы

453480, Аургазинский район, с.Толбазы, ул.Первомайская,10

Реклама хезмәте

834745 (2-01-67)

Редакция

834745 (2-18-45)

Кадрлар бүлеге

834745 (2-18-51)