«Яшьләр уку залы» үз ишекләрен ачты

Эзләнергә, яңа эш формалары табып, аларның эчтәлеген яшләрнең мәнфәгатьләренә яраклаштыру зарур. Галимҗан Ибраһимов исемендәге үзәк район китапханәсе эшендә төп казаныш - ул китап һәм белем сөючеләрнең яраткан аралашу һәм ял итү урыны булып кала. Һәм менә бүген яшьләр өчен заманча уңайлы уку залын ачу тантанасы булып үтте. Безнең проект "Бердәм Россия" партиясенең "Реаль эшләр"сайлаучыларның наказлары программасы ярдәмендә тормышка ашырылды. Тантанага район Советы секретаре В.И.Федоров, мәдәният бүлеге мөдире Б. Ф. Баһаветдинов, район хакимиятенең яшьләр эшләре буенча баш белгече Л.М.Шаһанц , шагыйрь, «Зәңгәр чишмә» әдәби берләшмәсе рәисе В.Акбашев, Мәгариф бүлегенең туган телләр буенча методисты Э.Әбсәләмова , Талбазы лицееның сынлы сәнгать укытучысы-Р.Усманова үзенең талантлы укучылары белән (Кәримова Аделина, Сәлиева Аделия, Ахмаева Таңчулпан, Шамсунова Луиза, Мансурова Элиза, Батыршина Аделина, Нагаев Арсен) килгән иделәр.
«Яшьләр уку залы» үз ишекләрен ачты. Хәзер ул уку һәм иҗат, проектлар һәм инновацияләр яратучыларны – яңа офыкларны белергә омтылучы барлык яшь кешеләрне кабул итәргә әзер. Очрашуга иҗат итүче яшьләр, Авыргазы җиренең талантлары шагыйрьләре һәм рәссамнары килгән иде. Яшь, талантлы шагыйрьләр – Даниил Андреев һәм Иншар Вәлитов, шигъри иҗатта беренче адымнар гына ясаган иң яшь талантларыбыз - безнең китапханәдә үткән чараларда еш кына чыгыш ясаучы Лиана Кунаккулова һәм республика басмаларында шигырьләрен актив бастыручы талантлы кыз – Айгизә Йосыпова, рэп стилендә иҗат итүче талантлы яшь кеше, цифрлы телевидение кертү буенча иң яхшы волонтер исемен йөртүче – Денис Әблиев. Яшьләрнең матур иҗаты, шигырьләре китап укучыларыбызны һәм шигърият сөючеләрне кызыксындырды дип ышанабыз. «Яшьләр уку залы» - “Уңышка юл - китапханә аша!” девизы астында эшлиячәк. Китапханәгә мәхәббәт һәм китап белән соклану - ул безне барыбызны да берләштерә, яхшы кәеф бирә, безнең тормыш тонусын арттыра һәм якташларыбызның – урындагы шагыйрьләрнең һәм рәссамнарыбызның шигырьләрендә һәм картиналарында шулай яхшы чагылдырылган иҗат энергиясе һәм илһам үрелүгә ярдәм итә. "Яшьләр уку залы" китап укучы яшь дусларын чакыра. Сезне кызыклы белем бирү мәйданчыклары, осталык дәресләре, уңай эмоцияләр һәм бары тик яхшы кәеф көтә. Без барыбызга да уңышлар телибез һәм беркемгә дә күңелсезләнергә туры килмәс, без бердәм команда булырбыз дип өметләнәбез!