Коткаручылар игътибарлырак булырга чакыра

Гадәттән тыш хәлләр буенча дәүләт комитеты Башкортстанда бер көн эчендә, 1 гыйнварда гына да тау шуганда өч бала зыян күргән,дип хәбәр итә. Аларның берсенә нибары өч яшь булган.

Коткаручылар мәгълүматларына караганда, Салават районының Морсалим авылында 9 яшьлек кыз зыян күргән. Шулай ук Уфада 3 яшьлек малай имгәнүе турында да хәбәр ителә. Тагын бер бала-6 яшьлек кыз Буздәк районының Канлы Төркәй авылында тауда шуганнан соң ярдәм сорап мөрәҗәгать итә.

Ведомствода төбәк халкына кышкыуеннар вакытында игътибарлы һәм сак булырга чакыра.