Барлык яңалыклар
Мәдәният
8 Май 2020, 12:35

“Җиңү көне” башкорт телендә яңгырады

Башкортстан Русия Президентының Идел буе федераль округындагы Тулы вәкаләтле вәкиле аппараты оештырган җыр марафонына кушылды.

Легендар җыр башкорт теленә тәрҗемә ителгән. Тәрҗемә авторы, язучы һәм җәмәгать эшлеклесе Гүзәл Ситдыйкова әйтүенчә, бу җырны ул беренче тапкыр 45 ел элек ишеткәннән соң ук яраткан. “Җыр­ның сүзләре һәм көе йөрәгемә үтеп керде, — ди ул. — Миңа аны башкорт теленә тәрҗемә итәргә тәкъдим иткәч, бераз аптырап калдым. Бу ихлас һәм хисле сүзләрдә кайгы да, шатлык та бар. Шушы халәтне туган телдә төгәл итеп бирергә, өстәвенә, җырның тактына да туры китерергә кирәк иде. Миңа музыкаль белемем ярдәм итте. Тәрҗемәмне ошат­канга бик шатмын. Бу җырны хәзер башкорт телендә дә төрле буын вәкилләре башкарыр дип өметләнәм”.
Фото : https://yandex.ru/images/search?from
Читайте нас в