Бушлай дарулар кемгә бирелер?

Бу турыда Русия президенты Владимир Путин 28 октябрьдә хөкүмәт әгъзалары белән очрашуда игълан итте. Аның сүзләре буенча, илнең кайбер төбәкләрендә хастаханәләрдәге карават фонды 90-95 процентка тулган. Бу COVID-19 белән генә түгел, ә сезонлы грипп һәм ОРВИ хәле белән дә бәйле.

"Хөкүмәт шулай ук ​​дарулар тарату турында тәкъдимнәр эшләде, чөнки инфекция йоктырган һәм йомшак формада авырган кешеләрнең кайберләре амбулатор, ягъни өйдә дәваланырга әзер, ләкин аларга барлык даруларны үзләренә сатып алырга туры килә. Хөкүмәт бу проблема турында киңәшмә уздырды һәм бу ярдәмгә мохтаҗ булган кешеләргә бушлай дарулар бирү турында карар кабул итте. Киңәшмәдә 5 миллиардтан артык сум бүлү карар ителде. Зинһар, бу карарны озакка сузмагыз. Мин беләм, тулаем алганда килешүләр тәмамланган, без бу карар кабул ителгән дип уйлыйбыз. Мин бу акчаларны кичекмәстән бүлеп бирүегезне сорыйм ",- диде Владимир Путин.

Шулай ук, төбәкләргә булышу өчен 10 миллиард сум бүлеп биреләчәк: бу ярдәмгә мохтаҗларга транспорт хезмәте күрсәтү, шәхси саклагыч җиһазлар сатып алу, матди-техник базаны яхшырту өчен.

"Бу COVID инфекциясенә каршы көрәш өчен, башка максатта кулланмаска. Без моны хәзер үк эшләргә тиеш ", - дип ассызыклады ил президенты.

Чыганак: https://omet-rb.rbsmi.ru/articles/koronavirus/Bushlay-darular-kemg-bireler-520641/