Талбазы үзәк район дәваханәсендә "Акушерлар көне"

2021 елның 18 мартында Талбазы үзәк район дәваханәсенең конференц-залында "Акушерлар көне" булды, анда ФАП, табиблар участоклары акушерлары чакырылды. Семинар башланыр алдыннан медицина хезмәткәрләре онкологик авыруларны кисәтү һәм аларны иртә диагностикалау мәсьәләләре буенча Уфа шәһәренең республика клиник онкология диспансеры оештырган дистанцион белем бирү дәресендә катнаштылар. Аннары катнашучылар алдында табиб-акушер-гинеколог Л.Ү. Җәлилова «Аналык муентыгы яман шешләренең төп симптомнары, иртә диагностикалау алымнары» темасына чыгыш ясады. Табиб-педиатр А.Ф.Әгъләмова укучыларны сәламәт тукландыру проблемалары турында сөйләде, район мәктәпләрендә укучылар белән даими лекцияләр, әңгәмәләр үткәрү зарурлыгына басым ясады, фельдшер һәм акушеркалар сәламәт туклану турында күрсәтмә әсбаплар белән тәэмин ителде. Табиб-терапевт Л.М.Нигъмәтуллина «Йөклелек вакытында сидек бүлеп чыгару юллары инфекциясен диагностикалау һәм дәвалау» темасы белән таныштырды. Җаваплы табиб-акушер-гинеколог А.Б. Асулова бала тудыруга ярдәм итү мәсьәләләренә тукталды, Башкортстан Республикасы Сәламәтлек саклау министрлыгының йөкле һәм бала табучы хатын-кызларның критик хәлләрен мониторинглауны оештыру буенча яңа методик тәкъдимнәре, приказлары белән таныштырды.

Чыганак: Талбазы үзәк район дәваханәсе.