Күк йөзе һәм кар төсендә

Муниципаль район хакимияте сайтының «Архитектура» бүлегендә яңа физкультура-савыктыру комплексының эскизы басылып чыкты.

Проект буенча, аның фасады ак һәм зәңгәр төстәге металл сэндвич-панельләр белән тышланачак. Цоколь - соры бессер блоктан. Комплексның берничә керү ишекләре, авария чыгу урыннары бар. Бинаның бер ягында биек панорамалы тәрәзәләр урнаштыру планлаштырыла.

Проект-смета документлары белән сатып алулар өлкәсендә бердәм мәгълүмат системасының http://zakupki.gov.ru №0101200009518003992 рәсми сайтында танышып булачак.

Төзелеш 2019 елда республиканың 100 еллыгына тәмамланырга тиеш.