Барлык яңалыклар
Вакыйгалар
28 декабрь 2018, 13:08

Юлда сак бул!

Балалык шуклыклары юлларда хәвеф-хәтәр белән бәйле. Укудан буш вакытта балалар үз ихтыярына куелган кышкы каникуллар вакытында бу бик актуаль.

Ноябрь ае нәтиҗәләре буенча, республикада балалар катнашлыгында 412 авария теркәлгән. Анда 17 балигъ булмаган бала һәлак булган, 444е җәрәхәтләнгән. Юл-транспорт һәлакәтләренең яртысында балалар пассажир булган, һәлак булганнарның 10сы шушы категориягә туры килә. Җиде бала җәяү йөргәндә һәлак булган.
Яңа ел бәйрәмнәре алдыннан һәм бәйрәм көннәрендә дә районда "Игътибар - балалар!" профилактик чарасы үтә. ЮХХДИ хезмәткәрләре постларны балалар күп тупланган урыннарга якынайтачак һәм балаларны ташу кагыйдәләрен үтәүгә игътибарны көчәйтәчәк.
Хөрмәтле ата-аналар! Балаларга җәяүлеләрнең юл хәрәкәте кагыйдәләре турында хәтерләренә төшерегез. Юлны кайда, кайчан һәм ничек чыгарга кирәклеген аңлатыгыз. Юл янында уйнау куркыныч булуын әйтегез.
А.Сәфәргалиев,
ЮХХДИ бүлегенең пропаганда буенча инспекторы