Башкортстанда почтамт башлыгы кассадан 150 мең сумнан артык акча урлаган

Тикшерү версиясе буенча, узган елның декабреннән 2020 елның февраленә кадәр хатын почтамт кассасыннан 150 мең сумнан артык акча урлаган. Җинаятьне яшерү өчен ул бухгалтерлык хисапларына ялган мәгълүматлар кертә, ә бирелгән акчаларны төрле банкларда рәсмиләштерелгән кредитларны түләүгә тоткан.

Почтамт кассасыннан акча урлау ревизия барышында ачыкланган. Хөкем ителүче үз гаебен тулысынча таныган һәм зыянны өлешчә каплаган. Хатын-кызны ел ярымга шартлы рәвештә иркеннән мәхрүм итәләр һәм шундый ук сынау срогы бирәләр.