"Русское лото" алып баручысы Михаил Борисов вафат

"Русское лото" тапшыруының алыштыргысыз алып баручысы Михаил Борисов вафат. Бу хакта "РИА Новости" хәбәр итә.

Россиянең атказанган артистына 71 яшь булган. Аны 19 сентябрь көнне тапшыру төшерә торган мәйданнан хәле авырайгач хастаханәгә алып китәләр. Икенче көнне артистның үлеме хакында хәбәр килә. Фаразлар буенча, Михаил Борисовта үпкә ялкынсынуы ачыкланган.

Михаил әфәнде "Русское лото" ны 1994 елдан алып барган.

Узган атнада гына ул "Созвездие - Йолдызлык" фестивален тамаша кылырга Казанга килгән иде һәм Татарстанда үсә торган балаларның сәләтен югары бәяләде.

Тулырак: http://shahrikazan.ru/news/kyiskacha-ya%D2%A3alyiklar/russkoe-loto-alyp-baruchysy-mikhail-borisov-vafat