Җәй җитә

Инде бүген, 26 майда, кайсыбер районнарда һава температурасы +29 градуска кадәр җылыначак. Җил төньяк-көнбатыштан, ул җайлап көнчыгышка күчәчәк.

Иртәгә, 27 майда, шулай ук кыска вакытлы яңгыр һәм яшен көтелә. Җил көньяк-көнчыгыштан исәчәк, урыны белән аның көчлегә әйләнүе ихтимал. Төнен термометр баганалары +9, +14 градус җылы күрсәтсә, көндез алар +31 градуска кадәр күтәреләчәк.

Мондый һава торышы 28 майда да сакланачак. Кайсыбер урыннарда яңгыр, яшен, көчле җил исүе фаразлана. Һава температурасы төнен +12, +17 градус булса, көндез +21, +26га күтәрелә. Ә көньяк районнарда ул +31 градуска кадәр җитәчәк.