Башкортстанда аномаль эсселек аркасында гадәттән тыш хәл режимын кертергә мөмкин

Республикада икенче атна урыны белән һава температурасы 40 градуска җитә. Кичә Чиләбе өлкәсе белән чиктәш авылларның берсендә рекордлы 45 градусны теркәделәр. Эсселек чәчүлекләргә начар тәэсир итү сәбәпле, төбәк Авыл хуҗалыгы министрлыгында махсус режим кертү турында уйлана. Ведомство башлыгы Илшат Фазрахманов сүзләренә караганда, алдан исәпләүләр буенча, республика якынча 500 мең тонна уңышны югалтырга мөмкин, дип хәбәр итә «Башинформ» агентлыгы. Беренче чиратта сүз Урал аръягы һәм республиканың төньяк-көнчыгышындагы хуҗалыклар турында бара. Авыл хуҗалыгы һәм азык-төлек министрлыгында хәзер килгән барлык документларны анализлыйлар. Шуннан соң учреждениедә гадәттән тыш хәл режимын кертү турында сөйләшәчәкләр.

https://bfmufa.ru/news/short/v-bashkirii-mogut-vvesti-rezhim-chs-3.html?utm_source=yxnews&utm_medium=desktop&utm_referrer=https%3A%2F%2Fyandex.ru%2Fnews